"أنت متأكد يا بيه ؟"
"متأكد من ايه يا...."
"متأكد انك متلخبتش واديتني فلوس زيادة ؟"
"لأ كدة مظبوط"
"أصلي فكرك هتديني .... زي كل الناس و اتلخبت"
"قولي يا .... انت بتنام فين ؟"
"فالشارع يا بيه , أمي سبتني و مشيت"
" طب ليه مرحتش ملجأ؟؟"
"رحت يا بيه بقضية , الظباط عملولي قضية انني كنت شايل موس و ودوني هناك 1"
"طيب خد دول "
"ليه يا بيه , ده كتير أوي كدة , كدة الحمدلله هشتري شبشب و اتعشى "
"منفسكش تغير ال تيشيرت والبنطلون؟"
"منين يا بيه ؟؟"
"أنت تعرف يا.....انك لو اشتغلت هتجيب فلوس اكتر من اللي اي حد بيديهالك "
"خد دول اشتري بيهم حاجة ب كم طويل عشان الشتا داخل بس اوعدني انك هتشتغل"
"حاضر يا بيه , شايف العجلاتي اللي هناك ده كان قاللي اشتغل معاه و انا انشاءالله هرحله
مش عايز مني اي حاجة يا بيه اعملهالك.... بس ده كتير اوي يا بيه و مينفعش"
"احنا مش كلنا اخوات ولا ايه "
ده نص حديث دار قدامي بين طفل من اطفال الشوارع و احد الأشخاص
No comments:
Post a Comment